RockLab
Proxecto en colaboración co Concello de Pontevedra. Os alumnos participan na creación dun proxecto musical audiovisual relacionado coa literatura, enmarcado dentro da actividade do Salón do Libro. O resultado son películas musicadas, obras de teatro musicadas, agrupacións con temática literaria e proxectos relacionados coa literatura e a música.
Xeración Sónica
Titorización de proxectos musicais no Local de Música de Pontevedra. Despois de comprobar que a nosa canteira de artistas en Estudo Bonobo medra a grande velocidade, a través da Concellería de Cultura decidimos axudar a unha nova xeración de mozos e mozas a organizar o seu traballo, facerlles un seguimento especial e publicar as súas producións para que non queden no esquecemento.
Contra a violencia de xénero
En colaboración con Namorando, traballamos en proxectos de creación 360º (plásticas, audiovisuais, deseño, ilustración, guión, música e son) con adolescentes e alumnado de primaria para a creación de mensaxes escritos, tocados e cantados por eles, sobre a temática e a problemática da violencia de xénero.
PMPCA
Un dos nosos primeiros proxectos multidisciplinares: danza, música, composición escrita e rap, traballo manual e proxección cultural-laboral. Todo dentro dun marco de prevención de condutas adictivas a través da música. Traballo con adolescentes de etnia xitana a través dun proxecto elaborado co Secretariado Xitano e a Concellería de Benestar Social de Pontevedra.
Voces Ocultas
Voces ocultas é un proxecto de creación artística cos colectivos sociais máis desfavorecidos. Un programa que partiu do traballo musical, audiovisual e escénico con personas con outras capacidades e que continúa enfocado a dar voz a esas persoas máis vulnerables que teñen moito que contar e que poden atopar a súa oportunidade de facelo a través das artes e da súa inclusión en proxectos cooperativos.
Bonobo Social
En Bonobo apostamos pola igualdade de oportunidades. É por iso que contamos con becas para a formación de alumnxs con dificultades económicas.Cada ano, becamos a un total de 4 alumnos para que poidan cursar o ano académico completo sen ningún custo para as súas familias.Se te atopas en risco de exclusión social e estás interesado en ser becado, utiliza o formulario de contacto para facérnolo saber.